لابد في الكامل يجي فيه نقصـان
ياليتهـا بالجـوع بسـد جوعـي
لكنهـا كظـه وفــره ومـيـدان
وانا ليا قدمت يصعـب رجوعـي
والكلمه اللي من قناعات وايمـان
يصبح بها لساني وتصغي سموعي
قولو لمن سوت على القلب بيبـان
اتفتحن من السبت ليـن الربوعـي
اللي حزنها غير عن كل الاحـزان
خلا ابتساماتي مثل حـب كوعـي
لو انهـا تسهـر ليـا بعـد الآذان
بتشوفني لا رحت بطفي شموعـي
حزين متشـاءم ونـادم وحيـران
بس ما اظلم وهاذي ارقى طبوعي
ابوي سماني على ابـوي حمـدان
خلاني آخذ عزتي من خضوعـي
علمني ابادل الاسـاءه بالاحسـان
من قـو وقفاتـي اثبـت وقوعـي
يمكن عيوني قاسيه بعض الاحيـان
لكني اعرف من اصدقائي وربوعي
والله لو ان في ايدي افرح انسـان
بفرحـه لـو ان ثمنهـا دموعـي
مع تحياتي وحداوي